отпакувано

Извади ги зборовите од целофанот

и напиши ги повторно.

Ќе останат букви

како лего коцкички

за конструирање фрази.

Не сум верник

да го свртам и другиот образ.

Свртувам нова страница.

Имам плускавици на нозете

од чекорење по вода.

Не грижи се.

И кога мислиш дека

сиот свет е против тебе

- насмевни се.

Тоа не е твојот свет.

Дури ни галаксија.

Подготви ја мрежата за пеперутки.

Паѓаат ѕвезди вечерва.