Подготовка

Две тегли кисели насмевки.

Без конзерванс.

И без смисол за хумор.

Веќе се согласивме

дека не се согласуваме.

Идеите не не прават идеални,

ниту верувањата верници.

Исчистени, одбрани

парчиња лето

ставаме во туршија,

витамински додаток

во зимската чинија

подгреан оптимизам.

И студот има ДДВ

пресметан со

иситнети сеќавања

собрани

во кесички чај.

Колку сива економија

собира во чаша

врела вода...