Имено

Имено

Ме мислиш.

Те мислам.

Стануваме мисловни именки.

Сопствени,општи, апстрактни...
Непромислено замислени.
Именки без глаголи
меѓу нив.
И без сврзници.
Горди.

Додека не станат заменки

Салем

Салем

Толку сме исти

во тоа што сме различни

едни од други.

Исто се бориме

за својата различност,

од исти причини.

Исправени сме

пред судот на Салем,
не зашто сме различни
од различните,

туку затоа што не сме

исти со истите.

Не исти – нечисти.

Не не` собира во таа

неограничена ограниченост

на безумието.

Подобро да си набавиме
метла на време,

започна ловот на вештерки.