Кога ќе доаѓаш
Кога ќе доаѓаш,
немој долго да стоиш
пред лицемерното огледало.
Не мазни ја косата,
секако ќе ја разбушавам.
Кога ќе доаѓаш,
немој да се двоумиш
каква кошула да облечеш.
Јас нема ни да ја забележам
додека брзам да ја соблечам.
Кога ќе доаѓаш,
немој да одбираш
цветови и чоколада.
Донеси ја само својата љубов,
таа ќе ме заслади и разнежни.
Кога ќе доаѓаш.....
Ма, ајде, доаѓај веќе еднаш!
